Skip to main content

Sinulid

Ni
Sinulid 
Ni: Tristan Jhae C. De Vera

                  Alam mo ba kung ano ang sinulid? Hindi ba ito ay napaka-pino at mayroong iba’t ibang kulay? Ngunit ang sinulid ay isang hibla na kung pagbubuklurin ay makabubuo ng isang kasuotan. Tulad ng sinulid ang dinastiyang politikal na kung saan may iisang angkan ang namumuno sa isang lugar.
                  Hindi biro ang paggawa sa isang kasuotan. Ito ay dumaraan sa maraming proseso tulad na lamang ng pagpili ng uri ng tela, mananahi, disenyo at lalung-lalo na ang kalidad at uri ng sinulid.  Sastre at modesta ang tawag sa mga mananahi. Ang pinakamatibay at pinakamagandang sinulid ang gagamitin niya sa pananahi. Kahalintulad ng sinulid ang dinastiyang politikal.
                  Sa dinastiyang politikal, mayroong iisang pamilya na namumuno sa kanyang nasasakupan at tulad ng sinulid, ang pinakamayaman, pinakamatibay, at pinakamakapangyarihan ang nauupo sa trono ng katiwalian.
                  Sa pagkahaba-haba ng panahon, bakit hanggang ngayon ay hindi pa rin ito nasusugpo? Kaya hanggang ngayon hindi ito nasusupil ay dahil na rin sa  kanilang pamimili ng boto at pagmomonopolyo ng halalan. Sa pagdaan ng taon, lalong dumarami ang korapsyon at katiwalian sa gobyerno na kinakailangan nang lutasin kung hindi ito’y sisira sa ating Inang Bayan.
                  Ang Anti-Dynasty Bill ay kailangan nang ipasa upang matigil na ang pananamantala ng mga dinastiya sa taumbayan. Ang bill na ito ay makatutulong sa pag-unlad ng bansa at ito rin ay makapipigil sa mga politiko na gusto lamang ay kaningningan ng pangalan.
                  Wala naming naidulot na maganda ang dinastiyang politikal dahil kahit sabihin na malinis sila, mayroon pa ring “under the table” na transaksyon na hindi alam ng mga Pilipino. Ito ay isang halimbawa lamang ng epekto ng dinastiyang politikal na dapat iwaksi.
                  Tinatayang 70% ng mga politiko ay galling sa mga dinastiya. Ang mga apelyidong Aquino at Marcos ay mga halimbawa ng dinastiya na magpahanggang ngayon ay namamayagpag sa pulitika.
                  Sobra na ang dinastiyang politikal sa Pilipinas. Iniisip lamang ng mga nasa pwesto ang kanilang sarili at nalilimutan na ang kanilang mga mamamayan. Kinakailangang matigil na ito upang sa gayon ay maging matiwasay na ang ating pamumuhay. Magkaisa tayong labanan ang mga dinastiya. Kaya bilang Pilipino, ano ang kaya mong gawin upang lutasin ang mga isyung panlipunan lalo na ang dinastiyang politikal? Ikaw kabataan, ano ang magagawa mong bahagi sa paglutas sa isyung ito? Hindi ba kabataan ang siyang pag-asa ng bayan?
Labels:

Comments

Post a Comment

Popular na Akda

Ibong Malaya

Ni
Ibong Malaya Isang ibong nangangarap ng mataas, Maraming hadlang, ibong siya pa ring patas. Inaabot niya sa kanyang makakaya, O ibon, ika’y lumipad ng Malaya. Bigyan mo ng pansin, ibong tumatawag. Mga salitang sa kanya’y nagpatatag, Ang pangarap lang niya’y gusto niya matupad. Sana’y pakpak niya’y mataas na lumipad. Salamat, salamat, mga nagtiwala. Pangarap,’di isasawalang bahala, Kahit kalian ‘di titigil sa paglakbay. Aking mga pangarap na abot kamay. Sa lahat ng aking magiging kasabay, Tayoay lalaban at hindi sasablay. Madami man tayong kailangan ilakbay, Sa dulo, tayo’y sabay-sabay kakaway. Mithiin kong natanaw sa alapaap, Umaasang makakamit sa hinaharap. Naging matagal man ang proseso, Ginagawa ko ito ng buong puso.
Post a Comment
Magbasa pa »

Inang Kalikasan

Ni
Inang Kalikasan Mahal, ako nga pala ang iyong mundo. Alagaan mo, buhay mo’y sigurado. Kahit kalian ay hindi kita iiwan, Basta’t h’wag mong lisanin parang larawan. Anak, h’wag mo sana akong pabayaan. Ako’y tanungin, ako ang kalayaan. Kung ako man ay iyong aalagaan, Ako’y magtatagal ng walang hangganan. Habang lumilipas, oras, at panahon, Nalimot na at ala-aang nabaon. Saan na pangakong aalagaan mo, Ako’y umaasa, pangako mo’y matamo. Bigyan mo kong pansin at h’wag pabayaan, Muling ibalik ang aking kalinisan. Umaasang ika’y tutugon sa akin, Ang aking pagluha iyo sanang dinggin. Ako’y pansinin, h’wag mong talikuran. Hindi mo ba alam ako’y nasasaktan.  Anak, alagaan mo ko ng may puso, Tama na, tama na, iyong pang-aabuso.
1 comment
Magbasa pa »

BUKOD TANGI SA LAHAT

Ni
Isang babaeng kakaiba sa lahat Mga maling bagay sa kaniya’y ‘di dapat Nagbibigay ng atensyon sa nararapat At sa lahat ng gagawin ay magiging tapat Babaeng nakaramdam ng sakit at pighati ngunit palagi pa ring nakangiti Problema’t pagsubok man ay dumating sa Panginoon siya palaging lalapit Hindi perpekto ngunit kuntento kulay kayumanggi, talagang Pilipino Nag-aaral ng mabuti para sa mithiin at nagsusumikap para sa bituin Minsan ay masayahin, minsan maramdamin Madaling magalit ngunit madaling patawanin Walang ibang hiling kung hindi kapayapaan dito sa mundong nagkakasiraan Sumusubok ng mga bagong bagay para sa kaniyang buhay ay may gabay Pilitin mang hatakin ng iba siya’y hinding-hindi bibigay
Post a Comment
Magbasa pa »